300 KA BABAYE SA NIGERIA, GIN KIDNAP!

Gin-atake sang mga armado nga lalaki ang isa ka boarding school sa Nigeria kag gin kidnap ang masobra 300 ka kababainhan.

Nahibaluan nga 317 tanan ka kababainhan ang gin kidnap sa Government Girls Secondary School sa Zamfara state.

Ginmandu na sang gobyerno ang madasig nga pagrescue sa mga kababainhan.

Ginhugtan naman ang seguridad sa nasambit nga lugar.
Nahibaluan man nga ini na ang ikatatlo nga mass abduction umpisa sadtong Disyembre.

Wala pa sang naga-aku sa nasambit nga pag-atake, apang ginatulok nga mga suspek amo ang mga criminal group nga tuyo makakuha sang ransom.