NEGROS OCCIDENTAL– Arestado ang isa ka lalaki sa isa ka hacking incident sa Purok Saging, Barangay Gil Montilla siudad sang Sipalay, Negros Occidental kagab-i, Enero 30, 2023.
Ginkilala ang biktima kay Marvin Amalla, legal ang pang-edaron kag residente sang ika-7 Avenue, Doña Inez, Barangay San Jose sa kapareho nga siudad.
Apang ginkilala naman ang suspek kay Ryan Bandiola, 32-anyos kag residente kun diin nagluntad ang insidente.
Ginklaro naman ni Police Captain Judesses Catalogo, PIO sang NOCPPO nga hacking incident ang nagluntad sa siudad kag indi shooting incident.
Narekober sa crime scene ang caliber .45 kag isa ka kutsilyo.
Base sa inisyal nga impormasyon, sila duha ang naga-inom sa isa ka balay.
Dugang pa, ang suspetsado ang may pending nga Alias Warrant of Arrest sa kaso nga murder nga gin-isyu ni Hon. Edwin Gomez, presiding judge, RTC, 6th Judicial Region, Branch 77 sa siudad sang Sipalay sadtong Nobyembre 9, 2020.
Wala naman sang piyansa nga gin-rekomendar ang korte.
Nakahunong naman ang suspek sa Sipalay City Police Station kag gindeklarar nga patay na ang biktima.*
