Ginpa-gwa na sang Land Transportation Office okon LTO ang datus angut sa kadamuon sang mga naaksidente bangud sang pagmaneho nga hubog.
Humalin sa bulan sang Enero tubtub Agosto, sini nga tuig, 402 na ka mga “vehicular accidents” ang nagluntad sa nagkalain lain nga lugar sa Pilipinas.
Sa 402 ka mga aksidente, 353 diri ang lunsay imbolbado sa “drunk driving” okon pagpamaneho nga yara sa impluwensya sang makahulubog nga ilimnon.
Nag resulta ini sa pagkalamatay sang 15 ka mga persona kag pagkasamad sang 232 ka mga indibidwal.
Kasunod sini, ginpahanumdum sang LTO, nga indi dapat pag balewala-on ang nakasaad sa Anti Drunk and Drugged Driving Act of 2013.
Ginpaathag sang ahensya, nga ang pag isyu sang drivers license, indi deritso sang kada Filipino, kundi isa ini ka prebelihiyo nga gintahag sa isa ka indibidwal nga may kalakip nga responsibilidad.
