380 ka mga kabataan nagkalamatay bangud sang baha sa Pakistan

Nagsaka na sa 380 ka mga kabataan nga nagkalamatay bangud sang baha sa pungsod Pakistan.

Sa kabilugan, 1,100 ka mga persona ang nabawian sang kabuhi kag 33 milyones na sa bilog nga Pakistan ang naapektuhan sang kalamidad.

Nag apela sang bulig ang United Nation para sa mga apektado sang baha.

Ginagamit na ang mga helicopters agud madagdagan sang pagkaon ang mga residente nga yara sa mga lugar nga indi makadtuan sang mga salakyan.

Indi lang ang mga residente ang nahalitan sang baha, kalakip man sa mga nahalitan kag nagkalaguba amo ang mga puluy-an, establisemento komersyal, imprastruktura kag mga pananom.