40-anyos nga lalaki arestado sa buy-bust sa Bago

NEGROS OCCIDENTAL– Gindakop sang mga kapulisan ang 40-anyos nga lalaki matapos makuhaan sang iligal nga droga sa ginpatigayon nga buy-bust operation sa Purok Paglaum, Barangay Atipuluan sa siudad sang Bago, Negros Occidental sadtong Marso 27, 2023.

Ginkilala ang gin-aresto kay Gualberto Carjas Jr. alias “Dodoy”, isa ka street level individual, residente sang nasambit nga lugar.

Nakuha kay Carjas ang lima tanan ka pakete sang ginapatihan “shabu” lakip na ang buy-bust item, P500 nga buy-bust money, kaha sang sigarilyo, lighter, P61 cash.

Nakahunong naman ang si Carjas sa Bago City Police Station bangud naglapas sa Republic Act 9165 ukon Comprehensive Dangerous Drugs Act of 2002.*