Papauli na sang Pilipinas ang 410 ka Pinoy nagikan sa Lebano, suno sa Department of Foreign Affairs (DFA).
Ginsiling ni DFA Undersecretary Sarah Lou Arriola ginalauman nga magahalin sa Rafic Hariri International Airport sa Beirut ang chartered flight alas-11:10 karon sa gab-i Agosto 16.
Kalakip sa mga magapauli ang 20 ka mga napilasan sang mabaskog nga pagsigabong sa Port of Beirut tinalikdan nga Agosto 4 kag ang bangkay sang apat ka mga Pilipino nga napatay bangud sang pagsigabong.
Ginalauman nga magaabot sa Ninoy Aquino International Airport (NAIA) ang repatriates sakay sang Qatar Airways flight QR 3150 mga ala-1:25, Lunes sang hapon (August 17).
Sa karon, yara na sa 1, 918 na ang kabug-usan nga numero sang mga Pilipino nga napapauli sa Pilipinas gikan sa Lebanon.
Ginsiling man sang ahensya nga makaangkon sang isa pa ka chartered flight sa Beirut para sa distressed Filipinos nga luyag makapauli sa Pilipinas.
Para naman sa mga nagakinahanglan sang bulig mahimo lamang nga makig-angut sa Embassy sa Beirut sa numerong +961-5-953519 o via e-mail, beirut.pe@dfa.gov.ph.
