4,106 ka mga Ilaga, wala makaluwas sa “Ilaga Baylo Kwarta” nga programa sa Marikina

Linibo na ka mga ilaga ang nakuha sang mga residente sa Marikina City, matapos nga ginlunsar ang “rat to cash” program sa lugar.

Base sa record, naglab-ot na sa 4,106 ang kadamuon sang mga ilaga nga gindala sa Marikina City Environmental Management Office, humalin sang Miyerkules nga ginbaylohan sang kuarta.

Sa kada 150 grams nga kabug-aton sang madala nga ilaga sa lokal nga panguluhan sang Marikina, may kabaylo ini nga 200 pesos nga cash.

Naglab-ot na sa masobra tunga sa milyon ka pesos okon 600,000 pesos nga cash ang nahatag sang Marikina City para sa nasambit nga programa.

Ginlunsar ang programa agud nga tapna-on ang leptospirosis.