Isa ka 51-anyos nga bulantero ang pinaka-ulihi nga napatay bangud sa coronavirus disease (COVID-19) sa banwa sang Hinoba-an, sandig sa report sang Hinoba-an Rural Health Unit.
Ang nasambit nga bulantero, ang isa man ka chief tanod kag residente sang Zone 1 sa Barangay Bacuyangan, Hinoba-an.
Nagbolante pa ini matapos magka-develop sang mga sintoma kapareho sang ubo, sip-on kag chest discomfort.
Apang inoras matapos ini nagpa-admit sa hospital, ini ang nagtaliwan.
Sang ginpadala ang iya swab specimen sa molecular lab, ang result nagapakita nga ini ang positibo sa virus.
Gindala na sa quarantine facility ang mga close-contacts, samtang ginpaidalom naman sa granular lockdown ang Zone 1 sa Barangay Bacuyangan sumugod las 4 sang hapon, Sabado, Abril 24.*
