Gin-impound ang 53 ka mga motorsiklo kag traysikol bangud sang nagkalain-lain nga bayolasyon sa national highway sang banwa sang Cauayan, Negros Occidental, Miyerkules nga adlaw, Pebrero 24, 2021.
Ginkasa sang Highway Patrol Group-Negros Occidental, Cauayan Traffic Management Unit kag Cauayan Police Station ang pagpanakop sang mga drayber nga may mga bayolasyon.
Sa mga gin-impound, 30 diri ang mga motorsiklo kag 23 ang traysikol, sandig sa report sang HPG-Negros Occidental.
Gindakup man ang 36 ka mga motorista nga wala nagasuksok sang helmet, 17 nga wala naga-seatbelt, 14 ka nagabyahe nga wala sang plaka, 12 nga may expired plate registration, kag 42 ka iban pa bangud sang pagbayolar sang Republic Act 4136 ukon Land Transportation and Traffic Code.
Samtang tatlo ka LED lamp kag 8 ka modified muffler, ang gin-kumpiska.
May 28 naman nga gin-isyuhan sang temporary operator’s permit kag 116 ka traffic citation tickets.*
