Patay ang anom ka mga mountain climbers samtang pilason naman ang walo matapos matiphagan sang pinakadako nga ice sa Italian Alps sa Europe sang Domingo, Hulyo 3.
Natiphag ang ice sa Marmolada mountain, nga ginkilala bilang pinkamataas nga Italian Dolomites nga malapit sa Punta Rocco.
Natabo ang insidente matapos ang isa ka adlaw nga may narecord nga temperatura sa 10 degrees celcius ukon 50 degrees Fahrenheit sa babaw sang Marmolada mountain.
Ginkumpirmar naman ang anom ka mga mountain climbers nga napatay samtang walo naman ang pilason.
Gin-untatan naman ang “search and rescue” sang mga otoridad sa mga nabilin pa nga mga biktima sadtong Domingo apang ginpadayon naman subong nga adlaw.
Suno kay Massimo Frezzotti, science professor sa Roma Tre University, dala sang global warming ang pagkatunaw sang ice sa matugnaw nga mga lugar.
