Gin-isyuhan sang temporary operator’s permits (TOPs) kag traffic citation tickets (TCTs) ang 60 ka mga draybers nga may nagkalain-lain nga traffic violations sa ginpatigayon nga Oplan Lambat Bitag Sasakyan sa national highway sang ciudad sang Talisay, Negros Occidental, kaina sang hapon, Marso 10.
Nadala sa ginhatagan sang TOPs amo ang 14 nga nadakpan nga wala naga-seatbelt, lima nga wala sang OR/CR, isa nga wala sang helmet, isa nga may incomplete plate, 6 para sa obstruction, 7 ang may defective accessories, 7 ka unregistered vehicle, kag 6 ka unlicensed.
Trese naman ang gin-isyuhan sang TCTs, nalakip na ang 6 nga wala sang driver’s license, tatlo ka wala sang helmets, isa ka wala sang OR/CR kag tatlo ka may delinquent registration.
Ang nagpatigayon sang operasyon amo ang Highway Patrol Group-Negros Occidental, Talisay Traffic Management Unit kag Land Transportation Office Provincial Law Enforcement Team.
Ang mga nakumpiska nga driver’s license nga gin-isyuhan sang TCTs ang gin-turn over sa Talisay TMU, samtang ang mga gin-isyuhan sang TOPs ang ginturn-over sa LTO Bacolod.*
