Nagakahangawa na ang Tourism Department sa kahalitan nga gintuga sang oil spill sa Oriental Mindoro.
Ginkumpirmar ni Tourism secretary Christina Frasco, nga nahalitan na sang oil spill ang 61 ka mga lugar sa probinsya, nga masami ginakadtuan sang mga turista.
Kalakip sa mga apektado amo ang mga beach resorts sa nasambit nga lugar.
Suno sa lokal nga panguluhan sang Pola, Oriental Mindoro, ginkansela na sang mga turista ang ila bakasyon sa probinsya.
Nagapakig-angut na sa Department of Labor and Employment ang Department of Tourism agud mabuligan ang mga trabahador okon tourism workers nga nadulaan sang palangabuhian bangud sang “oil spill”.
Posible man nga maapektuhan sang oil spill ang isla sang Boracay.
Nagluntad ang “oil spill” kasunod sa pagkalunod sang barko nga MT Princess Empress.*
