- Advertisement -
NEGROS OCCIDENTAL – Nagtaas sang 12 % ukon 50 ka mga kaso ang 8 focus crimes sa Negros Occidental sa una nga walo ka bulan sang 2022, kung ikumpara sa kapareho nga tion sadtong tinalikdan nga tuig.
Nalakip sa 8 focus crimes ang murder, homicide, physical injury, rape, robbery, theft, carnapping kag motorcycle theft.
Humalin Enero tubtob Agosto 2022, nakarecord ang Negros Occidental Police Provincial Office sang 466 ka mga krimen sa bilog nga probinsya.
- Advertisement -
Ini ang mataas kung ikumpara sa 416 nga narekord sa kapareho nga tion sadtong tuig 2021.
Sa 466 nga narekord subong nga tuig, 94 diri ang murder, 26 homicide, 47 ang physical injury, 91 ang rape, 68 ang robbery, 125 ang theft ukon pagpangawat, 14 ang motorcycle theft, kag isa ang carnapping.
