Ginreport sang Philippine Coast Guard (PCG) nga siyam (9) ka indibidwal ang missing samtang 22 ka mangingisda ang na-rescue matapos malunod ang fishing vessel nga St. Peter sa tunga-tunga sang bisinidad sang Tanguigui Island, Northern Cebu kag Gigantes Island sa Iloilo kahapon nga adlaw, Setyembre 24,2021.
Suno sa PCG incident report, ang fishing vessel nga ginadala ni Captain Frankie Chavez kag ginapanag-iyahan sang Tristar Fishing Corporation ang nalunod bangud sa mabaskog nga hangin kag balud.
Si Second Mate Pablito Desamparado, isa sa 22 ka survivors ang nagsiling sa PCG nga na-eksperyensya nila ang mabaskog nga hangin kag balud samtang nagapatigayon sila sang fishing operations takna ala 1:00 sang kaagahon.
Rason nga nagtagilid ang vessel tubtob nga ini ang nalunod.
