98-anyos nga World War veteran, natapos ang iya Master’s degree

Bacolod City – Wala naka base sa edad ang kadalag-an sang isa ka tawo.

Ini ang ginpamatud-an sang 98-anyos nga si Giuseppe Paternò nga sa duha ka beses, ginkabig nga pinakatigulang sa Italy nga nakatapos kag nanguna sa iya pagtuon.

Tuig 2020 sang nakuha sini ang iya degree sa History and Philosophy sa University of Palermo kag sini nga tuig, iya naman nalambut ang Master’s Degree sa kapareho nga kurso kag unibersidad.

Bata pa lang, may pagpalangga na ini sa pagtuon apang wala siya nahatagan sang oportunidad nga maka-eskwela sa kolehiyo.

Si Paternò ang isa ka World War II veteran kag nangin isa ka anay railway worker.