All 2: Dragons daug batok Ginebra sa PBA Finals Game 4

Ginlutos sang Bay Area Dragons ang Barangay Ginebra sa PBA Finals Game 4 nga ginhiwat kagab-i, Biyernes, Enero 6.

Nagdaug ang Dragons sa score nga 94-86.

Ginpangunahan nanday Kobey Lam nga may 30 ka puntos, Glen Yang kag Zhu Songwei nga may tig-18 ka puntos ang team sang Dragons.

Apisar nga injured ang lunsay Dragon’s player nga si Andrew Nicholson, gindala ni Lam ang team sa kadalag-an.

Suno kay coach Brian Goojiran sang Dragons, bugal ini nga nangin madinalag-on sila kag nangin patas na sa duha ang puntos sa PBA Finals.

Nagdangat naman sa masobra 17,000 ang nagtambong sa hampang sang Dragons kontra Ginebra sa Mall of Asia Arena.

Matabo naman ang PBA Finals Game 5 buwas nga adlaw sang Domingo, Enero 8.*