Nagalaum ang Creamline Cool Smashers star nga si Alyssa Valdez nga makahampang sa Premier Volleyball League Open Conference.
Ini matapos naka-agum sang injury sa tuhod sadtong PVL Reinforced Conference sang nagligad nga tuig.
“I’m really doing well, I’m really doing therapy, and hopefully we can all see each other this coming PVL conference,” suno kay Valdez.
Magasugod naman ang PVL sa Pebrero 4 apang pagadepensahan sang Creamline ang kampyeonato.
Wala naman naghatag sang kumpleto nga detalye si Valdez sa iya ginabatyag.
Ginkilala si Valdez bilang President sang pala-abuton nga Spiker’s Turf Season 6 Open Conference nga pagahiwaton sa Enero 22 sa Paco Arena.
Onse tanan ka mga teams ang maga-atubangay agud makuha ang tropeyo.
Sadtong PVL Reinforced Conference nagtapos naman bilang bronze ang team.*
