Amay, nag-enrol sa Grade 1 agud makasabay sa pagtuon sang iya bata nga yara sa Kindergarten

Isa ka 30-anyos nga amay ang nag-enrol sa Grade 1 agud makasabay ini sa pagtuon sang iya bata nga yara sa kindergarten.

Nag-viral sa social media ang video sang maistra samtang gina-istorya si Rizaldy Absalon halin sa Sarangani nga nagpa-enrol sa Grade 1.

Suno kay Absalon, “no read no write” siya kag kinahanglan pa nga may maga-giya sa iya kung nagapirma ukon nagasulat ini para sa isa ka dokumento.

Naga-obra ang misis ni Absalon kag siya naman ang naga-atipan sa ila bata.

Pila naman ka mga netizens ang nagpabutyag sang positibo nga komento para kay Absalon.*