NOVALICHES, QUEZON CITY– Gindakop ang anay construction foreman sa Novaliches, Quezon City matapos nga magapangawat kuntani sa isa ka gasolinahan.
Suno sa report sang GMA News Online, ginkilala ang suspek kay Fredie Dinopol.
“May narinig silang ingay na nanggagaling sa likod at nang kanyang tingnan ito may nakita siyang lumalabas sa butas sa likod ng opisina,” suno kay Novaliches Police Deputy Station Commander Police Captain Jeff Tuyo.
Dugang pa ni Tuyo nga naga-ubra sadto si Dinopol sa gasolinahan apang sang magapangawat na kuntani, naaresto ini sang kapulisan dala ang P700,000 nga benta.
Magapangatubang karon si Dinopol sang nagakaangay nga kaso.
Suno kay Dinopol, yara siya sa impluwensiya sang makahulubog nga ilimnon sang ginhimo ang pagpangawat.*
