Liwat nga nagpahayag si anay President Rodrigo Duterte nga wala ini sang labot sa International Criminal Court nga paga-imbestigaran ang anay programa nga “war on drugs.”
“I would like to reiterate my statement, kayong mga ICC… wala akong pakialam [I couldn’t care less about the ICC]. Dito sa droga, sa criminality, just like Davao, it is a matter of principle for me. And I will die for it. If I rot in prison, so be it,” suno kay Duterte.
Ginbasura naman sang ICC’s Appeals Chamber ang pag-apelar sang gobyerno sang Pilipinas nga u-suspende sang ICC prosecutors investigation ang imbestigasyon may angut sa killings sa war on drugs.
Sadtong Marso 13, nag-apelar ang Office of the Solicitor General sa ICC nga bawion ang imbestigasyon sa Duterte administration batok war on drugs.
Ginapangabay naman sang gobyerno nga pinaagi sa OSG paga-suspendihon sang ICC ang imbestigasyon.
Sa desisyon sang Appeals Chamber, pahayag ni President Ferdinand Marcos Jr. nga magabulag ang Pilipinas sa ICC.
Apang ginklaro naman ni Solicitor General Menardo Guevarra ang pahayag ni Marcos.
Suno kay Gen. Guevarra, wala ginabaton ang pag-apelar sang Pilipinas may angut sa pagpauntat sang imbestigasyon.
Sadtong Marso 2019, nag-isol ang Pilipinas sa Rome Statute nga nagtukod sang ICC sa idalom sang Duterte Administration.*
