Anay Vice-Mayor sang Calbiga, Samar ginluthang-patay samtang naga bike

Yara na sa kamot sang mga otoridad ang ginatudlo suspek sa pagluthang-patay kay anay Calbiga Vice Mayor Bong Albaigar.

Napatay si Vice Mayor Abaigar samtang nagabisikleta sa Brgy. Timbangan, Calbiga, Samar sini nga aga, Oktobre 7.

Ginkilala ang suspek nga si Allan Palo Malaquena base sa iya mga ID cards.

Narekober man sang mga otoridad ang ginapatihan pusil nga gin-gamit sang suspek.

Nakilala si Abaigar bilang anay Konsehal antes ini nangin Vice Mayor.

Nahibaluan man nga nagpadalagan bilang Mayor si Abaigar sadtong 2019.

Sa karon, nagapadayon naman ang imbestigasyon sang mga otoridad sa nagluntad nga insidente.