Gin-aku sang United Kingdom (UK) government, nga may kakulang na gid man sa suplay sang antibiotic sa ila lugar, agud magbulong sa bacterial infection, nga nagaapekto sa mga kabataan.
Masobra na sa isa ka semana nga nagapanginwala ang UK angut sa kakulang sang suplay sang antibiotic sa ila lugar.
Apang sini gid lamang, ginbulgar sang gobyerno nga seryoso na ang problema sa antibiotic sa United Kingdom.
Kalakip sini nga mga antibiotic amo ang tatlo ka types sang oral solutions nga ginagamit sa pediatrics okon balatian sang mga kabataan nga ginalakipan sang Phenoxymethylpenicillin okon ginatawag man nga penicillin V.
Antis sini, 19 ka mga kabataan ang nagkalamatay sa UK, bangud sang seryoso nga kaso sang Group A Streptococcus (Strep A) infection.
Ang strep A, isa ka sahi sang bacteria nga ginatunaan sang paghubag sang tutunlan okon sore throat, hilanat kag iban pa nga mga sintoma nga kaangay sa trangkaso.
“Out of stock” na ang nasambit nga antibiotic, samtang ang iban nagabaligya sang nasambit nga produkto sa mas mahal nga presyo.*
