Magapadayon ang Ateneo de Manila University (ADMU) sa step-ladder match sa University Athletic Association of the Philippines (UAAP) Season 84 Women’s Volleyball para depensahan ang ila korona sa nagligad nga UAAP.
Nalutos sang Blue Eagles ang University of Santo Tomas (UST) sa scores nga 25-23, 25-23, 25-20 sa Mall of Asia Arena kahapon, Hunyo 14.
Ang defending champion nagpakita sang comeback game matapos nangin abanse ang UST sa una kag ika-duha nga sets.
Blue Eagles’ player nga si Faith Nisperos may yara 23 ka puntos, Vanie Gandler 15 ka puntos kag naghatag man sang kontribusyon si Erika Raagas kontra Golden Tigresses.
“We know that UST will not let up. In every set, kami ‘yung naghahabol. It’s just a matter of us finishing strong, and finishing right. We relied on our fundamentals, and ‘yun ang pinaka-importante.” Suno sa coach sang Ateneo nga si Oliver Almadro.
Ikatatlo na ini nga do-or-die match sang Ateneo. Una kontra University of the Philippines (UP) sang elimination round kag Adamson University (AdU) sang Sabado.
Pagakontrahon naman sang Ateneo ang De la Salle University (DLSU) nga may twice-to-beat advantage sa Hunyo 16.
