Nagpadulong sa Radyo Bandera ang menor de edad nga babaye nga si alyas Jin 17-anyos kag temporary nga nag-puyo sa Barangay manlocahoc banwa sang Sipalay, Negros Occidental.
Sa programa nga Legally Yours Kabandera ni Atty. Cesar Beloria subong nga Domingo nagreklamo si alyas Jin matapos nga ini ang gin sakit sang iya ugangan kag bayaw sa nasambitan nga Barangay bangud gid lamang sa wala pa maluto nga Baboy nga ila sulod-anon.
Suno kay Jin nga natabo ang pagpanakit sa iya sadtong Nobiembre 15, sa iya sini nga panaysayon nga nagpauli ang iya bayaw nga 22-anyos nga may dala nga baboy nga sulod-anon.
Ginpaluto sang bayaw kay Jin ang baboy apang tungod sang kakulang sa inug gatong madugay nga maluto ang sud-an.
Bangod sa pag-aporar sang bayaw kay Jin, ginaalegar nga nangakig na ini rason nga nagsabat ang biktima nga, “kung nangahoy ka tu, para may igatong ko di para madasig maluto ang sud-an.”
Gilayon naman nag sabat ang iya sini bayaw nga, “basi gusto mo, ibunggo taka?”
