SAN PEDRO, LAGUNA– Gin-rescue sang San Pedro Local Government Unit ang isa ka babayi nga indi makaguwa sa ila balay sang isa ka dekada sa Laguna.
Ginkilala ang babayi nga si Mae Ann, 31-anyos.
Indi maka-igo si Mae Ann sa pwertahan sang balay bangud may balati-an ini nga nagahubag ang paa.
Nagsugod balati-an ni Mae Ann sadtong 18-anyos pa lamang ini apang subong, nagabug-at sang 25 ka kilos ang iya paa.
Bangud sa balati-an, indi makalakat si Mae Ann kag nagatinir lang sa hiligda-an.
Matapos nagtaliwan ang iya iloy bangud sa stroke, nangin mabudlay na ang sitwasyon ni Mae Ann.
Si Mae Ann ang pinakamanghod sa apat ka mag-ulutod, nakahunong naman sa prisuhan ang kamagulangan, pamilyado ang isa kag OFW ang isa.
Pinaagi sa Kapuso Mo Jessica Soho ginbuligan si Mae Ann nga makaguwa sa ila balay kag gindala sang team sa doktor.
Suno kay Doctor Aries Silva, elephantiasis ang kondisyon ni Mae Ann.
Magapadayon naman si Mae Ann sa mga eksaminasyon agud mahatagan sang nagakaangay nga bulong.
Nagalaum si Mae Ann nga maga-ayo ini kag mangin normal liwat ang pangabuhi.*
