BACOLOD CITY – Ginpasidunggan sang Bacolod City Sangguniang Panlungsod ang Bacoleño nga si Ethan Jervey Dayne Chavez, nga nagdaug sang bronze medal sa Asian Cadet Taekwondo Championships nga ginpatigayon sa Ho Chi Minh, Vietnam.
Ang Asian Taekwondo Union kaupod ang World Taekwondo Federation ang nag-oraganisa sang Asian Cadet Taekwondo Championships 2022 humalin Agosto 22 tubtob 27, 2022.
Ginlutos ni Chavez ang 15 ka iban pa nga mga partisipante halin sa nagkalain-lain nga pungsod sa Asia, sa under 49 kilograms category sang kompetisyon, suno sa resolusyon.
Si Chavez ang sa karon Grade 9 nga estudyante sang St. Scholastica’s Academy kag residente ini sang Barangay Estefania.
Anak nanday Erikson kag Rosalie Chavez ang bronze medalist.
Nagpasar sang resolusyon ang Bacolod SP kag si Councilor Em Ang, chairperson sang SP Committee on History, Culture and Arts, amo ang proponent sini.*
