Bangud sang pagsaka sang kaso sang coronavirus disease 19, ginakabig sang OCTA research group bilang areas of concern ang tatlo ka mga siudad sa Pilipinas.
Base sa report sang OCTA sang tinalikdan nga Mayo 8, kalakip sa mga siudad nga gin “identify” bilang areas of concern , magluwas sa NCR Plus, amo ang Bacolod sa Negros Occidental, Cagayan de Oro sa Misamis Oriental kag Puerto Princesa sa Palawan.
Humalin sang Mayo 1 tubtub 7, nagsaka sang 19 porsyento ang kaso sang COVID sa Bacolod, 75 porsyento sa Cagayan de Oro kag 78 porsyento naman sa Puerto Princesa.
Base man sa record sang OCTA Research, 50 porsyento na ang hospital occupancy sang Bacolod kag 49 porsyento nga akupado ang mga ICU.
61 porsyento naman ang hospital occupancy sa Cagayan de Oro City kag 63 porsyento ang ICU.
May yara naman sang 62 porsyento nga hospital occupancy ang Puerto Princesa kag 55 porsyento sa ICU beds.
