BAGYO MARING PADAYON NGA NAGAHULAG PAKATUNDAN SA ILOCOS NORTE

Alas 1:00 sini nga kaagahon, base sa forecast sang PAGASA, ang sentro sang Severe Tropical Storm “Maring” ang ginabulubanta base sa tanan nga available data sa coastal waters sang Burgos, Ilocos Norte.

May kabaskugon ini nga hangin sa 95 kilometros por ora kag may pagmadlos nga 115 kilometros por ora.

Sa karon, nagahulag ini pakatundan sa 25 kilometros por ora.

Samtang, bangud man sa Habagat nga ginadala ni Bagyo “Maring” maka-eksperyensya sang mabaskog nga pag-ulan kag hangin ang bahin sang Western Visayas, Palawan, kag Occidental Mindoro.