Balor sang shabu nga nakumpiskar sang pnp sa bulan sang Enero, naglab-ot sa P460 Milyones

Nagsaka sa masobra 460 milyones ka pesos ang balor sang iligal nga druga nga nakumpiskar sang mga katapu sang Philippine National Police okon PNP sa bulan sang Enero.

Ginpalayag ni PNP chief Rodolfo Azurin Jr., nga masobra sa 4,600 ka mga police operations ang ila ginpatigayon sa bilog nga bulan.

Sa nasambit nga operasyon, naaresto sang kapulisan ang 6,248 ka mga indibidwal nga ginasuspetsohan nagagamit kag nagabaligya sang iligal nga druga sa pungsod.

Samtang, may apat naman ka mga persona nga nabawian sang kabuhi sa ginpatigayon nga mga drug operations sa bulan sang Enero.*