- Advertisement -
NEGROS OCCIDENTAL – Wala pa sa gihapon makilala ang bangkay sang lalaki nga utod ulo nga nasapwan sa Hacienda Sagrado 2, Barangay Zone 16, ciudad sang Talisay, Negros Occidental.
Base sa impormasyon, ang biktima nakasoksok sang itom nga dilargo, ginabulubanta naga edad 35 tubtob 45 anyos, maniwang ang lawas kag ginabulubanta 5’4″ ang kataason.
May yara man ini sang tattoo sa tou nga abaga nga “M.D 4 BOYS”.
- Advertisement -
Ang lawas sang biktima nakaangkon sang hematomas sa likod kag dughan.
Gindala ang bangkay sang biktima sa Funeraria De Lourdes, Bacolod City.
Samtang, nagapatigayon naman sang paraffin test ang SOCO team.
Wala pa man sa karon makilala ang suspetsado kag padayon pa ang imbestigasyon sang kapulisan.*
