BACOLOD CITY – Nakabaton sang pasidungog ang Bacolod City Police Office kag tatlo sini ka mga police stations – Station 2, 4 kag 6 sa ginpatigayon nga awarding bilang selebrasyon sang ika-121 nga Police Service Anniversary sa Police Regional Office 6, Camp Martin Delgado sa syudad sang Iloilo, subong nga Huwebes, Setyembre 15, 2022.
Gin-ngalanan bilang Best City Police Office kag Best Unit sa kampanya batuk iligal nga droga ang Bacolod City Police Station.
Samtang, Best Numbered City Police Station Level kag Best Unit on Campaign Against Illegal Drugs – Numbered Police Station Level ang Bacolod Police Station 2.
Nakuha naman sang Bacolod Police Station 4 ang Best Unit on Tokhang Kontra Armas Luthang (TKAL) – Numbered City Police Station Level.
Kag ang Police Station 6 naman ang Best Unit on the Implementation of Birada Semana – Numbered City Police Station Level.
Ginbaton ni P/Col. Thomas Joseph Martir, BCPO director ang award halin kay P/Maj. Gen. Benjamin Santos Jr., acting deputy chief for operations sang Philippine National Police, nga amo ang guest of honor kag speaker sa nasambit nga hilikuton.
“Indeed, your sterling accomplishments contribute to the foundations of nation-building in the country. We greatly appreciate and value your everyday hard work and success,” suno sa mensahe ni Maj. Gen. Santos.*
