Isa sa mangin prayoridad sang bag-o nga Department of Health OIC Maria Rosario Vegeire ang paghatag sang nagakaigo nga benepisyo sa mga medical frontliners nga amo ang nangin isa sa problema sang nagligad nga administrasyon.
Ginpahayag ni Vergeire nga ang “welfare” sang mga medical frontliner ang isa sa tutukan niya magluwas sa pagpabaskog pa sa COVID-19 vaccination kag pandemic response.
Apang, isa sa problema nga paga-atubangon ni Vergeire amo ang pondo para diri.
Iya ginpahayag nga kinahanglan sa giyapon nila sang dugang nga pondo para ma-kompleto kag mahatag ang ginapangayo sang mga healthcare workers.
May pondo suno sa iya para sa HCWs nga na-download na sa DOH Centers for Health Development kag nagahulat nalang para sa mga hospital nga magtuman sa mga ginhatag nga requirements.
