- Advertisement -
Temporaryo nga iga-suspendi sang ciudad sang Cadiz, Negros Occidental ang pagbaton sang mga locally stranded individuals ukon LSI’s sa maabot nga Nobyembre 2 tubtob 6 subong nga tuig.
Ini matapos nga maaprobahan sang Regional Inter-Agency Task Force in Emerging Infectious Disease (RIATF-EID) ang sulat nga ginpadala ni Mayor Salvador Escalante Jr., para sa nasambitan nga suspensyon.
Madumduman nga nakabalhag ang ciudad sang asud-asud nga pagtaas sang kaso sang coronavirus disease 2019 kon sa diin lunsay buta na ang mga quarantine facilities sini.
- Advertisement -
Sa piyak nga bahin sa pinakaulihi nga report sang Cadiz City Health Office, humalin Oktubre 29 may yara sang kapin 183 ka mga confimed positive cases ang na-record sang ciudad.