Nagpaggwa sang manifesto ang pamunuan sang Brgy. 18 nga nagapabutyag sang pagsaludar kag pagrespeto sa mga frontliners nga nagapuyo kag nagarent sa ila nga barangay.
Nakasaad sa nasambit nga manifesto nga ginpaggwa ni Punong Barangay Madeline Diaz nga kalabanan sang ila mga pumuluyo kag renters sa nagkalain-lain nga mga boarding houses ang nagatrabaho sa nagkalain-lain man nga ospital, medical clinics kag city health office.
Dugang pa diri, nga sa una nga semana sang bulan sang Agosto nakarekord sila sang ila labing-una nga COVID-19 patient nga ginsundan pa sang pila ka mga kaso tubtob nga nagdangat sa 18.
Suno kay Kapitan Diaz, apisar sang padayon nga pagsaka sang kaso sang mga nagpositibo kag pila ka mga purok sini ang ginpaidalom na sa lockdown, padayon man sila nga naga-asisst kag nagabaton sang tanan nga mga medical frontliners nga nagatrabaho sa mga ospital.
