SILAY CITY—Patay ang 62-anyos nga biktima nga ginkilala kay Ernie Buyer matapos matumbahan sang refrigerator kag nakuryente sang tinalikdan nga Lunes, Agusto 16 sa Sto. Mambag-ed Brgy. Balaring siudad sang Silay
Suno kay Lt. Col. Richard Petate, hepe sang Silay City Police Station, nagbukas sang ref ang biktima sang hinali lamang nga nabali ang kahoy nga stand rason nga natumbahan ini.
Bangud nga nakasaksak pa ang plug sang refrigerator kag naula ang tubig sa sulod rason nga nakuryente ang nasambit nga senior citizen.
Dugang pa ni Petate, ang biktima ang nagaserbe bilang caretaker sang balay sang iya tiya kag nagaisahanon ini sang natabo ang insidente.
Gintinguhaan pa sang tupad balay nga salbaron ang biktima apang bisan siya ang nakuryente man. Iya nalang nga gingabot ang plug kag ginhakwat ang 62-anyos nga madala sa Teresita Lopez Jalandoni Provincial Hospital apang gindeklarar ini nga dead on arrival.* |via Kabanderang Kirby Federez
