Kahapon nga adlaw, Miyerkules, nakabaton ang pila ka mga cellphone users malapit sa Sofitel Hotel tent sang text blast angot kay Bong Bong Marcos kadugang sang iya pagsumiter sang Certificate of Candidacy sa pagkapangulo.
Ginsiling ni Atty. Vic Rodriguez, chief of staff ni Marcos, nga indi halin sa ila ang iligal nga ginapadala nga emergency alert kag ini ang parte sang ginapatihan demolition job batok kay BBM.
Angot sini, nagpatigayon sang imbestigasyon ang National Telecommunications Commission (NTC) sa nasambit nga isyu kag ginsiling ni Rodriguez nga gina-imbestigaran nila ini.
Suno sa NTC, ang National Disaster Risk Reduction and Management Council (NDRRMC) ang may sarang nga legal nga makapadala sang emergency text messages.
Gilayon naman nga ginklaro sang NDRRMC nga indi halin sa ila ang emergency alert.
