Ginpahayag sang Commission on Higher Education (CHED) nga posible ipatuman ang limited face-to-face classes sa tanan nga degree programs sa first quarter sang tuig 2022.
Suno kay CHED Chairman Popoy De Vera, ginatun-an na nila kung paano ini i-implementar kag magadraft na sang pagsulundan angut sa pagpatuman sini.
“Our target for high vaccination rate is until December so we have time to craft the guidelines,” suno kay De Vera.
Matapos aprubahan ni President Duterte and kag Inter-Agency Task Force (IATF), ginatugutan na sa karon ang limited face-to-face classes sa higher education institutions (HEIs) nga naga-offer sang Medicine and Allied Health Sciences.
Sang Setyembre, gin-anunsyo sang CHED ang expansion sang limited in-person activities sa engineering and technology programs, hospitality/hotel and restaurant management, tourism/ travel management, marine engineering, and marine transportation.
Dugang pa ni De Vera, kabahin sa plano sang CHED sa tertiary level ang pagpatuman sang limited face-to-face classes sa tanan nga degree programs sa karon nga kabahin na ang mga estudyante sa mga mahimo mabakunahan kontra COVID-19.
