Coach Teng Yen-Min bilib sa mga volleyball player sang Pilipinas

BACOLOD CITY- Napabilib ang coach sang KingWhale Taipei nga si Teng Yen-Min sa mga volleyball players sang Pilipinas matapos ang Premier Volleyball League (PVL) Invitational Conference 2022.

Nalakip sa nagpabilib kay Yen-Min sanday PLDT Power Hitters Mika Reyes kag Creamline Cool Smashers Tots Carlos.

Nakuha ni Reyes ang Best Middle Blocker samtang Best Opposite Spiker kag Most Valuable Player naman si Carlos.

Indi madula sa paminsaron ni Yen-Min sanday Reyes kag Carlos bangud sang kasagad maghampang.

Nakuha sang Taipei ang ika-duha nga pwesto sa liga matapos malutos kontra Creamline.

Sa nagtakop nga PVL, madamo nga mga volleyball fans ang nagtambong kag nagsuporta man sa Taipei bangud sa luyag sang team magdaug.