Ginapagiho sang election watchdog nga Kontra Daya ang Commission on Elections (Comelec) batok sa gakatabo nga ‘premature’ ukon temprano nga pagpangampanya sang mga kandidato para sa lokal kag nasyonal nga posisyon sa palaabuton nga 2022 elections.
Ginsiling ni Kontra Daya convenor Danilo Arao nga hayag na sa karon ang paglapas sa ‘election rules’ sang mga kandidato amo nga kinahanglan na ini aksiyunan sang Comelec.
Lakip diri ang pagpatigayon sang mga motorcades kag iban pa nga mga mass gatherings sang mga kandidato nga makabig ‘electioneeing’, suno kay Arao.
Padayon man nga magapamalabag ang Kontra Daya sa mga ‘premature campaigning’ ilabi na kung nagikan ini sa pondo sang gobyerno.
Una na nga gin-eksplikar sang Comelec nga wala sila sang mahimo sa karon sa mga nagalibot na nga mga kandidato kag naganakod sang ila mga posters bangud indi pa ni sila makonsiderar nga kandidato tubtob Disyembre.
