Nangin madinalag-on ang COVID-19 vaccine trial sang isa ka research team sa Thailand nga naghimo sang bakuna pambato sa balatian.
Ginhimo ang vaccine trial sa mga amo kag sa katapusan sang tuig ginalauman mapatigayon na ang human testing sini.
Ang Chula-Covid19 vaccine ang isa ka mRNA vaccine nga himo sa genetic material gamit ang bag-o nga strains sang coronavirus.
Kung na-inject sa lawas sang tawo, maga-transform ini bilang protina kag magahimo sang antibodies pambato sa virus.
Sa ginhimo nga testing, kada amo nga nagabaton sang bakuna ang naglab-ot sa very high ang level sang immunity.
Ginahandaan na karon sang grupo ang paghimo sang 10,000 doses para sa mga mangin volunteer nga nagpaidalom sa human trial.
Kung mangin madinalag-on ang human trial, ginalauman mangin available ang bakuna sa third ukon fourth quarter sang 2021.
