Ginsiling ni infectious disease expert Dr. Edsel Salvaña nga epektibo sa gihapon ang tanan nga brand sang COVID-19 vaccines matapos ang anum ka bulan.
Suno kay Salvaña, miyembro sang Department of Health (DOH) Technical Advisory Group, sa datos sang Philippine Food and Drug Administration, wala nagapakita nga nagadula ang pagka-epektibo sang bakuna sa COVID-19 samtang nagadugay.
“Antibodies go up and down, but T-cells are much longer-lived. Even Dr. Nina Gloriani, who was horribly misquoted by media as saying some vaccines only last six months, eight months or one year has already set the record straight,” pahayag ni Salvaña.
Ini apisar sang mga pagtuon sa iban nga pungsod nga nagahina ang pagiging epektibo sang COVID-19 vaccines sa sulod sang anum ka bulan amo nga kinahanglan sang booster shots.
