Plano sang Department of Health (DOH) nga ipatigayon ang distribusyon sang COVID 19 special risk allowance sang mga health workers sa masunod na nga semana.
Ginpahibalo ni DOH officer in charge Maria Rosario Vergeire, nga gin release na sang Department of Budget and Management (DBM) ang dugang nga 1.04 bilyones ka pesos para sa special risk allowance (SRA) sang mga health workers.
Magabaton sang nasambit nga allowance ang mga health workers nga nagaserbisyo sa private kag public hospitals sa Pilipinas.
Suno sa DOH, wala pa makabaton sang Special Risk Allowance ang 55,211 ka mga eligible nga mga health workers sa nagkalain lain nga ospital sa pungsod.
Ini nga mga health workers entitled nga makabaton sang P5,000 sa kada bulan sang ila nga pag serbisyo sa panahon sang “national emergency” bangud sang COVID 19.
Sini nga adlaw, nagtipon ang mga health workers sa atubang mismo sang main office sang Department of Health agud mag protesta batuk sa “delay” nga pag “release” sang ila special risk allowance.
