- Advertisement -
Ginpahayag sang Philippine National Police (PNP) nga padayon ang pagnubo sang kadamuon sang kremin sa pungsod.
Sa report sang Balisong, sandig sa Peace and Order Indicator sang PNP humalin Enero 1 tubtob Abril 8, 2023, nagnubo sang14.69% ang kremin sa pungsod.
Suno kay PNP Public Information Office Chief Police Col. Red Maranan, nagnubo sa 9,345 ang kremin nga ila narecord sini nga tuig kumparar sa 10,954 sa pareho nga petsa sang tinalikdan nga tuig.
- Advertisement -
Ginabug-usan ang POI sang index crimes kaangay sang murder, homicide, physical injury, rape, robbery, theft, motorcycle theft, kag vehicle theft.
Kalakip man diri ang non-index nga paglapas sa lokal nga insidente kag mga aksidente sa karsada.*
