- Advertisement -
Nagpaandaman ang Department of Information and Communications Technology (DICT) sa mga indibidwal nga nagagamit sang digitally manipulated image ukon mga litrato halin sa artificial intelligence sa pagparehistro sang SIM card.
Suno kay DICT USec. Anna Mae Yu Lamentillo, ginadumilian ang paggamit sang sala nga impormasyon kag peke nga litrato, mangin ang ‘spoofing’ ukon paggamit sang ‘identity’ sang iban nga tawo.
Dugang pa ni Lamentillo, magahimo sang post verification system ang DICT matapos ang SIM registration period agud matumod kag masilutan ang mga scammer nga nagagamit sang digitally manipulated nga litrato.*