Matapos magsumiter sang certificate of candidacy si Senator Francis “Kiko” Pangilinan bilang bise-presidente kag ka-tandem ni Vice President Leni Robredo sa 2022 election, nakibot ang pamilya ni Senate President Vicente “Tito” Sotto III nga kilala man nga himata sang asawa ni Kiko nga si Sharon Cuneta.
Antes pa ang pagsumiter sang kandidatura ni Kiko, pila ka kilala nga personalidad ang nagpaubaya kag gin-reject ang mga offer sa parehas nga posisyon bilang respeto sa pag-abyanay kag kay Helen Gamboa, asawa ni Tito.
Kalakip sa mga nag-reject ang aktres-host nga si Kris Aquino, Senate Minority Leader Franklin Drilon kag si Senator Grace Poe.
Rason nga nakibot ang pamilya Sotto sang nangin pinal nga nagdesisyon si Pangilina sadtong Oktobre 8, ulihi nga adlaw sang pagsumiter sang COC.
Nahibaluan nga si Sharon ang anak sang utod ni Helen Gamboa nga si Elaine Gamboa-Cuneta.
