- Advertisement -
Dead on arrival sa hospital ang duwa ka lalaki matapos ma-aksidente ang ila ginasakyan nga motorsiklo sa Sitio Yanog, Barangay Tampalon, Kabankalan City alas 9:00 kagab-e, Abril 29,2021.
Ginkilala ang mga biktima nga sanday Jimboy Bolonia y Libre, 20 anyos (driver) kag si Edmar Gabatan y Guardario, 18 anyos, (backrider) mga lunsay residente sang Barangay Camansi, Kabankalan City.
Base sa inisyal nga impormasyon, nagamaneho sang motor si Jimboy kag angkas sini si Edmar padulong sa east nga direksyon sang na alang-alang sila sa dalan kag nakabunggo sa isa ka truck nga naga-park sa kilid sang dalan.
- Advertisement -
Gindala pa sa District Hospital ang duwa apang nabawian gid ang mga ini sang kabuhi.
