Matapos ang pila ka semana nga may napatay nga CPP-NPA Terrorist sa Purok Yuring, Sitio Dash 7, Barangay Bulwagan, Hinoba-an sadtong Abril 17, duwa na naman ka miyembro sang CNT’s ang napatay sa engkwentro batok sa tropa sang 15th Infantry Battalion sang Sabado nga adlaw, Abril 24 sa Sitio Payranan, Barangay Pinggot, Ilog, Negros Occidental.
Nahibaluan nga nagpatigayon sang pursuit and clearing operation ang mga tropa matapos ang engkwentro sa Hinoba-an sang sila ang nakabaton sang report halin sa local residents angot sa gina-alegar pilason nga CNT personalities nga imbolbado sa na una nga engkwentro.
Samtang nagresponder ang katapo sang 15th IB, na-engkwentro nila ang ginabulubanta 10 ka armado nga grupo sang Platoon 3 Southwest Front sang Komiteng Rehiyon-Negros, Cebu, Bohol, Siquijor (KR-NCBS).
Naglawig sa 40 minutos ang pagbalusay sang lupok kag napatay ang 2 ka miyembro sang ginapatihan NPA samtang wala naman nareport nga may casualties sa bahin sang gobyerno.
Nakuha halin sa site sang encounter ang masunod:
1.2 ka patay nga lawas sang NPA
2.(1) Colt AR15 M16 rifle
3.(1) cal. 45 pistol
4.(1) 12 gauge homemade shotgun
5.(1) anti-personnel mine with blasting and detonating cap
6.(3) short magazines; assorted live ammunition; subversive documents.
7.(5) backpacks
