- Advertisement -
Duha ang patay samtang duha man ang pilason sa nagluntad nga vehicular accident sa Hda. Layagon Brgy. Lalagsan, banwa sang La Castellana probinsya sang Negros Occidental.
Ginkilala ang mga napatay nga sanday Leeroben Perez, 21 anyos, residente sang Brgy. Nato sang nasambit nga banwa kag Ryan Gallego, 14 anyos, residente sang Baklayan Brgy. Bulad sang amo man nga banwa.
Pilason naman ang duha ka backride ni Gallego nga sanday Jonel Salde, 18 anyos kag Eljohn Ginandoy, 15 anyos.
- Advertisement -
Base sa imbestigasyon sang kapulisan, nag-overlap sa lane ang motor nga ginamaneho ni Perez kag nakabunggo sa motor ni Gallego.
Gindala naman gilayon sa Rural Health Unit ang apat ka imbolbado sa aksidente apang ginbawian na sang kabuhi sanday Perez kag Gallego.
