All set na ang Department of Education sa pagsugod sang face-to-face classes sa 100 ka pilot schools sa Pilipinas, sumugod Nobyembre 15.
“Sa wakas, ipagpapatuloy na natin ang ating limited face-to-face (Finally, we will continue our limited face-to-face classes),” suno kay Education Secretary Leonor Briones.
Base sa listahan, 10 ka mga eskwelahan ang yara sa Ilocos, 10 sa Central Luzon, lima sa Calabarzon, siyam sa Bicol Region, tatlo sa Western Visayas, walo sa Central Visayas kag 10 sa Eastern Visayas.
May walo man ka mga eskwelahan sa Zamboanga ang nalakip sa listahan, 10 halin sa Northern Mindanao, walo halin sa Davao, lima halin sa Soccsksargen kag 14 sa Caraga.
Ini nga mga eskwelahan ang na-aprobahan na para sa pilot run bangud ang mga concerned nga local government units kag mga ginikanan ang naghatag sang ila consent para sa face-to-face classes.
Nakapasar man ini nga mga eskwelahan sa evaluation sang Department of Health kag sang DepEd.
Suno kay Briones, 90% sang mga school staff sa pilot face-to-face classes ang nakabaton na sang indi magnubo sa isa ka dose sang COVID-19 vaccine.*
