FACE-TO-FACE PRESIDENTIAL DEBATE GINPABORAN

Mas pabor ang mga senador nga himuon face-to-face ang debate sang mga kandidato sa pagkapresidente imbes na sa online.

Pahayag ni Senate Minority leader Franklin Drilon, kung virtual ang attendance sang kandidato, posible may matabo nga coaching kag makapahina sa kredibilidad sang debate.

Pag-eksplikar ni Drilon, pagatestingan sa debate ang kasarangan sang isa ka kandidato nga luyag mangin lider sa pungsod sa sulod sang anum katuig.

Dugang pa niya, matigayon man ang debate samtang nagasunod sa safety protocol.

Para naman kay Sen. Koko Pimentel, posible man ang face-to-face debate nga may social distancing ang mga kandidato samtang may live coverage sang tv, radyo, social media kag wala sang live audience para makahalong sa COVID-19.